Farfuglar Eiríks

Jónatan Garðarson er með skemmtilega grein í Fréttablaðinu um myndina Farfuglar eftir Eirík Smith. Er hann að velta fyrir hvaðan myndin er og er að geta þess að hún sé frá Þýskubúðum í Straumi, en Eiríkur ólst upp í Hafnafirði og ætti að þekkja umhverfi þess mjög vel, enda margar af hans myndum af þessu stórkostlega svæði. Jónatan segir svo:

"Ég lít svo á að myndin sé frá Þýskubúð og er sennilega af móður hans fremur en ömmu. Eða bland af þeim báðum. Þessi gamla kona er svo meitluð í framan. Og sterk. Ég sá verkið fyrst á sýningu Eiríks á Kjarvalsstöðum árið 1981 en myndin er máluð 1980. Já, Eiríkur er magnaður myndlistarmaður. Af hverju heitir myndin Farfuglar? Það er náttúrlega einhver sveimur þarna, jú. En Eiríkur hefur alltaf verið snjall að finna nöfn á verk sín. Ekkert "án titils". Eða eins og konan sagði: "Án tillits". Sem er náttúrlega miklu betra."

Vil ég benda á að fyrirmyndin, þ.e. húsgaflinn, ströndin og litli vitinn í bakgrunni, er fenginn að láni úr Garðinum, nánar tiltekið Lambastöðum, en Lambastaðir, Gamli vitinn og ströndin er mjög vinsælt myndefni listamanna og var Eiríkur engin undantekning á því, enda eru þær ansi margar myndirnar sem hann málaði af þessu svæði, hver þeirra hreint listaverk. Heitið Farfuglar á við við þessi 4 element sem myndin sýnir, gamla konan, gamla húsið, gamli vitinn og farfuglarnir, þetta eru allt hlutir sem koma og fara.

Komdu nú að kveðast á...

Sá hjá honun Gunnari Helga félaga mínum í Svíaríki smellið kvæði og var óskað eftir þýðingum. Ég átti í fórum mínum þessar limrur og ég get ekki séð betur en að þær séu í svipuðum stíl og þessi hjá Gunnari. Um höfund hef ég ekki hugmynd um og gott væri að fá einhverjar upplýsingar um hann, ef einhver þekkir uppruna þessara limra. Njótið og skemmtið ykkur vel.

Hún gerði það ágætt hún Guðmunda.
Hún gerði það fyrst undir Ámunda.
Svo með Helga og Tý.
svo með Helga á ný
og svo með hljómsveit sem stödd var í námunda.

Hún Ingveldur gamla frá Engi.
Hún ei hafði fengið það  lengi.
En á leið heim af engjunum
hún lent´undir drengjunum
og lá svo í mánuð með strengi.

Það er almenningsálit í sveitinni
að ást séra Markúsar á geitinni
megi hreint ekki lá,
þegar litið ber á
hversu lík hún er Jórunni heitinni.

Einn maður í fjöllunum "Fannlausu"
var að fá það hjá Sigríði mannlausu,
þá brjálaðist gellan
og beit hann í sprellann,
nú tekur hann bara þær tannlausu.

Hún var glettin hún Gunna frá Glerá
svo giftist hún Jóni frá Þverá
og nú hoppa um húsin
hálft annað dúsin
af krökkum sem enginn veit hverá.

Hún var fjörug hún Fríða á Fjalli
þó sjaldan hún væri með kalli
en þegar á kvöldin
er greddan tók völdin
þá varð henni höndin að falli.
 

Að kjafta "niður" krónuna

Pólitíkin er skrítin tík, hún á það til að gjamma upp í vindinn, út af engu, eða þá að hún treður tríninu undir afturendan á sér, þegar á hana er yrt. Svo er heldur ekki sama hvaða háralit blessaða tíkin hefur eða kyni, svo að hægt sé að taka mark á henni. Það hefur ekki farið mikið fyrir mér hér á blogginu þessa vikuna, enda í mörgu að snúast, en þó tók ég eftir viðtali við dýralækninn hann Árna í útvarpinu um daginn, þar sem hann missti sig út af ummmælum ISG út af krónunni, sagði að hún væri að "tala hana niður"! Mæ gott,  og ég hélt að það væri Seðlabankinn einn og Dabbi sem gæti kjaftað gegni krónunnar upp eða niður!.
Í fyrra byrjaði Valgerður að "tala krónuna niður" þegar hún vildi athuga það að taka upp Evruna, en þá þá hélt Árni kjafti. Í haust voru nokkrir spekúlantar að velta þessum málum fyrir sér, þegar sama Valgerður impraði aftur á þessari hugmynd, að kanna hvort að við Íslendingar gætum tekið upp Evruna án þess að ganga í Evrópusambandið. Myndi ég kalla þetta að "tala krónuna niður" eða í versta falli, svo að maður noti nú bara hressilega íslensku, að gefa skýt í gjaldmiðilinn. Svo þegar ISG bendir á það að krónan sé handónýtt verkfæri til hagstjórnar, sem ég get að einhverju leiti tekið undir, þá fær Dýri nánast hjartastopp af æsingi og gjammar eins og tíkin, sem ég var að lýsa hér að ofan!
Hingað til hafa ráðherrar, sem hafa eitthvað með hagstjórn að gera í þjóðfélaginu, gert meira ógagn en gagn, vegna pólitískra afskiptasemi sinna og vanþekkingu. Satt að segja hafa pólitíkusar ekki vit á peningum, frekar en aðrir íslendingar, því eins og við öll vitum, erum við mjög gjörn á að eyða meira en við öflum. Við fengum þessa eyðsluveiki þegar Herinn kom með dollara í landið þarna um árið og hagkerfið er eiginlega ekki búið að jafna sig á þeirri vafasömu vítamínssprautu enn þá.
Nú veit ég ekki hvort að það verði hagkvæmara að fá útborgað í Evru, Dollurum, Jenum eða Nærum, ég held að það skipti í raun ekki neinu meginmáli fyrir mig og aðra, sem eiga ekki milljarðar-útrásar-fyrirtæki. Vandamálið er vaxtarokrið í landinu, verðtryggingin og óhófleg skattlagning hins opinbera á nauðsynjavöru. Sjálfsagt má tína til einhvern tittlingaskít, sem hefur líka áhrif, hver veit, en hverjir græða á vöxtunum og verðbótunum? Hverjir héldu áfram að græða á vöxtum og verðbótum, þrátt fyrir að verðbólga var komin í 2% fyrir einhverjum misserum síðan? Bankarnir. Hverjir sáu svo til þess að verðbólga þaut upp og gerði það að verkum að lángreiðendur borga þrisvar sinnum meira af lánunum, en nágrannalönd okkar gera? Pólitíkusar eins og Davíð og Dýri, þeir sem hafa í raun verið að stjórna landinu sl. 12 ár. Þeir bera ábyrgðina, ekki stjórnarandstaðan. 

Hergagnaframleiðsla?

Fyrir nokkrum misserum síðan var sagt frá því í fréttum, að álfyrirtækin á Íslandi tækju þátt í hergagnaframleiðslu. Þóttu sumum það frekar langsótt að fyrirtæki, sem var í áliðnaði hér á landi, að bendla það við hergagnaframleiðslu, en niðurstaðan var engu að síður sú að álið sem framleitt er, fer í hergagnaframleiðslu, þó svo að um einhverja "smáhluti" eða íhluti sé að ræða. Álið er mikið notað í þyrlur, bíla og skotflaugar. Í fréttum í gær var frétt um að íslendingar væru búnir að framleiða og selja smákafbáta, sem má nota í rannsóknir neðansjáfar og einnig í "baráttu við hryðjuverk"! Jú, kannski eru það hryðjuverk, þegar óprúttnir aðilar henda bílhræjum og öðrum úrgangi fram af bryggjum, en það þarf í sjálfu sér ekki að framleiða kafbát til að rannsaka þá hluti. Enda koma það í ljós í fréttunum að nokkur lönd séu þegar búnir að kaupa þennan smákafbát og nokkur lönd hafa þegar sent inn pöntun. Gott og vel, hátækni iðnaður okkar íslendinga farinn að skila árangri, en mér finnst nú það verða hálf dapurt að það skuli vera undir "hergagnaframleiðslu" eins og tekið var fram í fréttatímanum. Þetta minnir mig á atriðið í Skaupinu á Gamla, þegar hermaðurinn var að bauka viða að skjóta úr byssu, sem gerð var úr áli framleiddu á íslandi!
Hvað kemur næst? Sýklahernaður?

http://www.mbl.is/mm/frettir/frett.html?nid=1245807

Allt klárt

Jæja, þá er allur undirbúningur fyrir kennslu lokið og lætin hefjast á mánudag. Hlakka bara til að fara að takast á við listagyðjuna eftir tveggja vikna fjarveru eða svo. Annar hefur maður legið meira og minna yfir hátíðarnar, lagðist í slæma flensu á annan í jólum, hélt að maður væri orðinn góður á Gamla, fékk sér í tánna og allt, en var ekkert skárri á eftir. Var bara sagt við mig að ég væri þunnur! Sem var kannskí líka rétt en frúin var líka með flensu og strákarnir fengu hana líka, en þeir eru ungir og hraustir og voru fljótir að jafna sig, gamla settið aftur á móti þrælaðist til doksa til að fá pennsilinn til að bryðja. Og það virðist vera að virka. Þega ég mætti til vinnu eftir hátíðarnar, fullyrti ég að ég ætti að fá kauphækkun, bara fyrir það að vera svon hagstæður vinnukraftur, þ.e. að eyða fríinu í veikindi.
Hvað með það, veturinn leggst vel í mig, verður nóg að gera, bæði í leik og starfi og þarf ekki að láta sér leiðast.

Þar til næst 

Dáldið fyndið...

...og þó! Heyrði í fréttum í gær og reyndar í dag líka, að ammerískur háskóli tók mið af fáránlegu verði á hamborgurum hér á íslandi, samanborðið við verðið á sambærilegum borgara á USA. Var þetta kennslubókardæmi í viðskiptum, sem þarna var verið að fjalla um. Dæmið var eitthvað á þá leið að Mac-borgri í USA kostaði eitthvað 220 krónur en væri 100% dýrari á íslandi, eða um 440 kr. og þótti okur! Og seinni fréttin var leiðrétting á fyrri fréttinni en þá var íslenski Mac-borgarinn kominn yfir 500 kallinn!
OK, ég myndi persónulega ekki eyða einu sinni 220 krónum í annan eins viðbjóð og Mac-borgara frá Mac-Donalds þó svo að hann væri í boði hér á landi á 220 kr, en þetta segir okkur reyndar meira um það okur sem er viðhaft á okkur íslendingum, en um gæði vörunnar, finnst mér. Ég vildi nefna þetta að því að nú fer að hækka í umræðunni um matvælaverðið, þ.e. hugsanlega lækkun þess (je, right!) og Evruna og hugsanlegu inngöngu í sambandið eftir ca. 8 ár eða svo (vonandi fyrr) og einnig þeirri umræðu að hér sé komið tvöfallt hagkerfi þegar í dag. Það var líka staðfest í fréttum vikunnar að í lok ársins verða öll stórfyrirtæki og hinu útrásuðu, öll farin að gera upp í Evrum en við ullarpeysuliðið sitjum eftir með súra aska, kengboginn undan vaxta- og verðokri Seðlabankans og íslensku bankannaog og innlenndra matvælafyrirtækja og verslana, þrátt fyrir að Bónus hafi í gegnum árin staðið að hrikalegri verðlækkun, þá má gera mikklu, mikklu miiiiiiiiiiklu betur!
Þarna gætu t.d. þessu þjóðkjörnu apaköttum í Ríkisstjórn ísland flýtt fyrir þessari þróun, í stað þess að berja hausinn við gráan steininn á Alþingishúsinu!

Svo legg ég til að Garðabær og Reykjavík sameinist og að nýju bæjarmörkin verði við Kópavogbrúnna! 

Sæli nú í bili! 

Gleðilegt ár

og þakkir fyrr það gamla. Er það von mín að árið 2007 verði viðburðaríkt fyrir okkur "venjulega" fólkið og að breytingar verði á hugarfari stjórnvalda, hver sem þeu kunna að vera samansett í vor og að áherslan verði nú sett á fjölskyndur og þær afganstærðir, sem virðist hafa orðið útundan í kapphlaupinu sl. áratugi. Fyrirtækin hafa fengið mjög gott forskot á að dafana og er það í sjálfu sér gott mál. Nú er komið að okkur hinum, því að ekki get ég flutt lögheimili mitt til Hollands bara svona rétt á meðan ég er að hagræða skattamálum mínum, eða hvað?

Lifi byltingin í vor! 

Pólitísk afskipti

Egill á alltaf gott með að koma að kjarnanum, eins og sjá má í grein hans á Vísi.is. Þarna er hann að velta fyrir sé afskiptum Davíðs af stjórnmálum og illsku hanns út í einkarekinna banka um hvað þeir ætla að gera og hvernig þeir ætla að gera upp sín fjármál í framtíðinni.  Eins og það komi honum eitthvað við. Einnig er athyglisvert að rýna í greinina hans Andrésar Magnússonar um vaxtarokur íslenskra banka á okkur húseigendum. Þær tölur eru svimandi. Það væri nær að Davíð jarmaði út í bankana af vaxtaokri þeirra, hann kom nú þessari einkavæðingu á á sínum tíma, minnir mig.
Einhverntiman var ég algjölega á móti Evrópusambandinu og taldi að við íslendingar myndum tapa meira en græða á því. Nú seinni misseri er ég komin á þá skoðun að við ættum að ganga í sambandið og koma kjörum okkar á svipað plan og gerist í nágrannalöndum okkar, hvað bankavexti og matvælaverð varðar. Það er orðið úrellt hugsun að vera að tala um verndun íslenska landbúnaðins, sem er í umfangi eins og lítið sveitaþorp í Þýskalandi í framleiðslu, fiskveiðar okkar íslendinga er orðin svo lítill hluti af okkar landframleiðslu að nokkri tittir til eða frá skipta engu máli og rétt væri að fá erlenda banka hingað til landsins og bjóða uppá lán á betri vöxtum, leggja niður Seðlabankann og krónuna og taka upp Evruna.
Ríkisbáknnið hér á landi er orðið að "Monster" þrátt fyrir að stjórnmálamenn hafi á sl. 10 árum vrið að gapa um sameiningu sveitarfélaga. Þó svo að sveitarfe´lögin hafi tekið grunnskólana að sér, bólgnar ríkið bara meira út. Hvernig verður það þegar stjónmálamenn færa framhaldskólana, sjúkrahúsin og fl. yfor á sveitarfélögin. Heldur þá ríkisbáknið áfram að stækka?
Kannski væri það réttast að sveitarfélögin tæki þetta allt meira og minna yfir, þá væri hægt að fækka ráðuneytum, fækka ráðherrum og einnig að fækka þingmönnum. Höfum ekkert með svoleiðis lið að gera meira. Stefna að því að stjórnmálamenn geri sér grein fyrir því, hvaða hlutverki þeir eiga í raun að gegna og láta okkur íbúana ráða meira um okkar mál í héraði og hætta þessari "miðstýringu" sem greinilega er að stækka og bólgna út í höndum á hægra íhaldinu. 

Drykkjulæti og rólegheit

Að morgni annars dags jóla fór maður einhvernvegin að velta fyrir sér fréttum síðustu daga og helgarinnar. Strandið hér við landsteinanna hjá manni en sem betur fer virðist ekki mikil olía leka úr skipinu og eiginlega lán í óláni hvað skipið strandaði "smekklega" ef það er hægt að taka svoleiðis til orða. Þrát fyrir það hafa menn dæmt skipið til dauða og er það nú bara spurningin hvernig það tekst að rífa það niður, skipið er um 200-300 metrum frá fjöru, þó svo að það sé nánast uppí fjöru.
Ég sá í Blaðinu frá því á Þolllák, að Birgir Ármannsson virðist  duga ágætlega að tjá sig um hvað Samfylkingin er ónýt, en eyðir minni orku í að fjalla um ágæti eigins flokks. Einhvern tímann var talað um svokallaða "smjölípuaðferð" og þeir  Birgir  og Sigurður Kári eru greinilega ekki búnir að gleyma síðustu dagskipun gamla foringjans, "ausið auri og ykkur mun farnast vel" .
Mér kom það svo sem ekkert á óvart fréttirnar á MBL í gær, að slatti að liði hafi nú verið að skvetta í sig og dópa, lemja konuna og æla úr sér lungum á Aðfangadag, svona rétt eins og um venjulega helgi sé að ræða! Geta menn nú ekki sleppt þessari vitleysu þessa einu helgi ársins, bara einu sinni? Prufað hvernig það er að halda jól öðruvísi en drukkinn eða uppdópaður. Var það vegna þess að jólahátíðin lennti á helgi eða er fólk að reyna að deyfa fyrruna, sem hrjáir hjörtu þeirra? Samkvæmt viðtali við vaktlækni á LS þá lýsti hann því að þetta væri bara eins og "góð" helgi í Reykjavík!
Önnur frétt snerti mig líka um helgina og það ver úttekt Stöðvar 2 og MBL á fátækt og gömlu fólki, aukning hjáparstofnunar í matargjöfum og aukningin á ellilífeyrisþegum í matargjafirnar. Þrátt fyrir að Geir og félagar þræta fram í rauðann dauðann og segja að allir hafi það bara frábærlega, vilja þeir ekki kannast við "þessa fátækt", þeir halda kannski að þetta sé bara áróður stjórnarandstöðunar og þess vegna sé ekki takandi mark á "þessum sögusögnum". Og á sama tíma hækkar Davíð stýrivexti og Geir skilur ekki í þeirri gagnrýni sem íslenska hagkerfið fær slæma útreið frá erlendum rýnum. Segi bara að þessi gagnrýni sé byggð á miskilningi, eins og venjulega. Samur við sig hann Geir.
Eitt sem ég hef tekið eftir á síðustu vikum. Það er málefni Hannesar Hólmsteins . Í fyrsta lagi var hann sýknaður í Hæstarétti fyrir að hafa "stolið" orðum Laxness og Hannes segir ekki orð um það mál í fjölmiðlum! Ekkert klapp á eigin öxl um hvað hann er frábær og hafi nú verið í rétti allan tíman! Einnig þegar frétt kom um það að hann hafi unnið mál í Englandi gegn Jóni Ólafs, sem Jón hafi reyndar unnið í sumar. Ekki að Hannes hafi haft rétt fyrir sér, heldur vann hann málið vegna þess að það var "tæknilega" rangt sett fram af lögfræðingum Jóns Ólafs. Dómarar í báðum þessum málum viðurkenna þó að Hannes sé sekur , en þar sem sækjendur í Laxnessmálinu höfðu dregið að kæra Hannes, þá sé málið "fyrnt" en samt sem áður viðurkenna dómarar sekt Hannesar um ritstuld! Sama á við í máli Jóns vs. Hannes í Englandi, dómarai viðurkennir kæru Jóns um meiðyrði , en málinu vísað frá vegna tæknilegra mistaka! Ja, tæknileg mistök stingur sé niður víðar en hér heima!
Það verður fróðlegt að sjá hvernig þessi mál fara.

Rok...!

Var að koma inn eftir að hafa þurft að lemja ljósaseríuna aftur á húsið. Hér er bandvitlaust veður, 23ms og slær upp í 30 í verstu hviðum. Annars er undirbúningur jóla á fullu hjá mér og ætla ekki að fjasa neitt um stjórnmál, en kannski um samfélag. Skipstrand, flóð og hlýnun jarðar. Minnir mig á myndina "Day after tomorrow" eða þannig. Hér væri allt á kaf í snjó, ef allt væri eðlilegt, en þess í stað er hreinlega "vorhret" í gangi, aurskriður, vatnavextir (það hækkar fleira en vextir hjá Seðló) og fólk bæði sunnan- og norðan heiða í vandræðum með kjallarana sína, hestar standa í vatni upp í kvið og kálfar farast í aurskiðum! Kræst, hvað er í gangi, eiginlega?
Kæru bloggverjar og vinir, væntanlega verð ég í jólafríi etthvað fram að jólum og sendi ykkur því jólakveðjur með þessari mynd hérna. Er hún undir áhryfum frá Frakklandi.

Gleðileg jól og farsælt komandi ár.

P.S. étið nú ekki yfir ykkur af skötu og hangiketi