Blá-Græna slikjan á Sjöllum!

Jæja, þá er landsfundurinn búinn hjá þeim Geir og Ingibjörgu. Var nú kannski ekki endilega að rýna mjög í ræðurnar en þó kom mér það á óvart að Geir boðar breytta tíma á gömlum, súrum merg (traustum grunni) og Flokkurinn er barasta hreinlega að verða feminískur, umhverfisvænn og jafnréttissinnaður miðjuflokkur. Hm. Það er sem ég segi. Íhaldið hefur eiginlega þrífst á hugmyndum annara flokka og gera að sínum, þegar þeir loksings sjá að hugmyndafræðin þeirra hefur boðið skipsbrot. Ekki að ég sé ósáttur við þennan viðsnúning, ef hann verður svo að veruleika í raun, ef þeir komast í stjórn, heldur þykir mér það vera áfellisdómur á fyrrverandi formann flokksins, sem hélt félagsmönnum sínum í spennitreyju og sagði þeim vinsamlegast að halda bara kjafti, ef þeir voru eitthvað ósáttir. Ég held að Geir eigi eftir að dusta þetta óorð á flokknum, þennan Ráðstjórnaryfirbragð, sem varð þess valdandi að ég hætti að hafa áhuga á honum. Enda hefur það komið í ljós að Ráðstjórnarflokkarnir báðir, Sjallar og VG, eiga margt sameiginlegt og ekki furða þó að það leiði til stjórnarsamstarfs hjá þeim tveim. En, ég man eftir loforðum flokksins  við síðustu kosningar og þeir sviku þau flest. Líka Framsókn. En Geir stendur sig vel, hann er að vísu rólyndiskall og laus við skrúðmælgi en getur á köflum verið svolítið litlaus, en bestur er hann þegar hann reynir ekki að vera fyndinn!
ISG var hressilega á köflum í ræðu sinni, þó kom það fyrir að hún tafsaði en kom skilaboðunum vel frá sér. Ég var nokkuð sáttur við hana og sáttur við hugmyndafræðina í stefnumálum flokksins í heild, er að vísu tvístígandi vegna stóryðjumálin, en skil afstöðuna að það þurfi að gera heildarúttekt á vikjunarstöðum á landinu og gera áætlun um hvað eigi að virkja, hvernig og hvaða svæðum á að hlífa. Ég vil ekki vatnsvirkjanir upp um öll fjöll, langt í frá. Ég vil sjá aðrar lausnir varðandi atvinnueflingu í landinu. Svo er það þetta með vextina, ég sem venjulegur launþegi, ég vil fá bættari kjör í gegnum vaxtalaækkun frekar en að auka þennslu í gegnum launahækkun. Vaxtalækkun yrði besta kjarabót fyrir launþega landsins.
Það er mjótt á mununum samkvæmt skoðanakönnunum, en við jafnaðarmenn verðum greinilega að hrækja í spaðana á okkur og vinna að góðri kosningu í vor. Við verðum að gefa Sjöllum og Framsókn frí, það er þeim fyrir bestu og þjóðin alla. Við ætlum ekki að STOPPA neitt, við viljum halda áfram með breittum áherslum fyrir minnihlutahópa landsins, það er búið að mergsjúga þessa hópa s.l. 12 ár og tími til komin að þeir fái leiðre´ttingu á sínum málum, svona rétt eins og dómarar og ráðherrar!

Lifi byltingin í vor

Finnsk skemmtisaga

Ég er að fara til Finnlands í vor og fannst upplagt að segja frá þeim bræðrum Pekka og Júkka. Þeir eru víst eins og Bakkabræður okkar íslendinga.Sögurnar áttu að koma í staðarblaði fyrir nokkrum árum síðan og var ég beðinn um að myndskreyta nokkrar sögur en þær komust aldrei á prent. Hér er sú fyrsta:

Þeir bræður Pekka og Júkka voru staddir upp í sveit. Eftir að hafa ekið um sveitina nokkuð lengi þurftu þeir að gera þarfir sínar, hægja á sér, eins og sagt er og því leituðu þeir uppi útikamar á góðum stað. Pekka fór inn á undan en var grumsamlega lengi á kamrinum. Júkka var farið að leiðast þófið, enda orðið mikið mál. Hann opnar því hurðina á kamrinum il að athuga hvort Pekka væri ekki að verða búinn. Þá sér Júkka að Pekka er að pota með spítu ofan í kamarinn.
-    Hvað ertu að gera, Pekka? spyr Júkka.
-    Ég missti jakkann minn ofan í! svaraði Pekka.
-    Blessaður láttu jakkann eiga sig, ég verð að komast að núna áður en ég geri í buxurnar!
-    Sko, mér er svo sem sama um jakkann, sagði Pekka þrjóskur. – En það var rækjusamloka í vasanum og ég vil ná henni upp úr!

Kem svo með hinar við tækifæri, góða skemmtun

 

Furðulegt!

Alveg er það furðulegt þetta blogg hérna hjá mér. Nú er ég búinn að hamast við að skoða nýjar bloggfærslur frá vinum mínum, en ef mig misminnir ekki , var ég að skoða nákvæmlega sömu færslur í gær! Það kemur nefnilega fyrir að ég skoða ekki færlsurnar nema endrum og eins, þ.e. 3-4 í viku, má bar ekki vera aðí, eða þannig. Nú, ég er í páskafríi eins og fleiri í dag og því gaf ég mér smá tíma til að líta á herlegheitin og hlakkaði smá til. Kvittaði hjá sumum og las hinar. Grillaði svo fyrir fammilíuna, opnaði eina rauðvínsflösku, sötraði restina yfir Walk the line og 24. Svo fór ég á bloggið aftur og ég hugsaði með mér, hve vinir mínir væru obboðslega dugleg við að blogga þennan tíma, barasta allir komnir með nýjar færslur og ég var að klára alla fyrir kvöldmat! en þegar betur var að gáð, þá var þeð eina sem var nýtt, voru commetinn frá öðrum
Annað hvort er kerfið orðið ruglað eða ég. Ég veðja á kerfið, því að ég varð ruglaður fyrir svo löngu síðann, að það var áður en mbl hóf að halda þessum  vef úti.
Þetta sýnir þó að ég er þó að rembast við að fylgjast með færslunum, en það er nú samt óþarfi að vera að blekkja mig. Hvað er eiginlega í gangi, ha?

Jón Seðill

Var að horfa á Jón Seðil (Jhonny Cash) áðan, Walk the Line, þrælflott mynd mæli með henni.

Gleðilega páska!

Gleðilega páska

 

 

Skrítið og skrítin blogg

Þá fara bleðlarnir að flæða inn um lúguna hjá manni enda stutt í kosningar. Að venju fer þetta nánast ólesið í sorpið, enda fyrir löngu búinn að ákveða mig. Annars hefur maður frekar verið lítið þenkjandi um pólitík og sér í lagi bloggpólitíkina. Það kemur stundum fyrir að ég renni augum yfir pólitíkina en þó aðeins hjá pólitísku bloggvinum mínum, til að sjá hvað þeir eru að rausa þann daginn. Hina nenni ég ekki að eltast við. Þeir hafa ekkert nýtt fram að færa. Hugsanlega Íslandsflokkurinn, en það er ekki farið að reyna á hann ennþá. Ég tek eftir því að sumir sem eru að tjá sig um skoðanir sínar, fá stundum fólk í heimsókn og kommentera færsluna. Og ég held barasta svei mér þá að þetta fólk hafi hreinlega ekkert annað að gera en að svívirða skoðanir fólks en koma ekki með nein haldgóð rök, flestir. Svo þykir mér það líka svolítið skondið, að þeir sem geyspa einna mest, koma þá yfirleitt undir dulnefni. Og það er þannig með mig, að mér þykir það vera lélegur karakter, sem þorir ekki að koma undir nafni, svona rétt eins og þeir í Hafnarfirði voru ásakaðir um að þora ekki að leggja skoðanir sínar á borð um álverið eða deiliskipulagið, réttara sagt. En þetta er víst þannig með bloggið, maður gefur fólki færi á að kommentera og reyndar getur maður alveg stilt græjurnar þannig að aðeins vinir fá að kommentera, en það er ekkert gaman! Svo eru það þeir sem leifa hreinlega ekki nein skoðanaskipti á blogginu sínu, þola greinilega ekki að þeim sé svarað og þola þá ekki gagnrýni. Og það þykir mér lélegt! Og oft eru þetta mikils metnir menn, sem telja sig hafa eitthvað voða merkilegt fram að færa en eru í raun bara með einræðuræpu að hætti einræðisherra. Skrítið fólk og skrítin blogg.

Síðustu daga hef ég meira og minna verið á kafi á vinnustofu minni við listsköpun og hef fram að þessu verið að nota þessa tilbúnu striga frá Greni systrana, Pennanum og Innrömmun Suðurnesja. Þetta eru strigar úr bómull og sumir hreinlega úr einhverju gerfiefnum. Málið með þá er að það þarf hreinlega að undirvinna þá all svakalega áður en hægt er að mála á þá að einhverju viti. Stundum hef ég hreinlega grunnað þá með Gesso grunni, en það eru þeir allra lélugustu, og stundum hefur verið nóg að fara tvær umferðir með lit og terpentínu, og bera mjög þunnt á. Það kostar að vísu að striginn verður að bíða nokkra daga þar til að hægt sé að nota hann. Á mánudaginn lagði ég leið mína í Liti og Föndur og var að versla mér striga. Ég ætlaði að kaupa þessa venjulegu, bómullarstriga, sem búið er að setja á blindramma og allt. Stærðin sem ég þurfti, kostaði um 1750 kall og ég var að humma þetta eitthvað, þegar afgreiðslumaðurinn kom að. Ég spurði hvort að hann ætti ekki hörstriga. Hann góndi á mig smá stund, svo koma ylhýrt bros fram og hann sagði: Já, en hann er dýrari meterinn enn bómullin! Já, ég veit það sagði  ég en helmingi betri. Hann samþykkti það og hann fór að finna strigan. Þessi hörstrigi er þykkari, ilmar alveg yndislega og þolir allt, nánast. Þegar uppi stóð, þá var ég að spara mér smá pening með þessu! Ég fæ þrælgóðann striga og blindramma fyrir minni pening heldur en hinir tilbúnu kostuðu. Að vísu þurfti ég að strekkja hann sjálfur á blindramma, en það tók ekki nema hálftíma að gera það og árangurinn lét ekki á sér standa. Ég var búinn að gleyma því hvað það er gott að vinna á svona góðann striga. Þetta var eins og að finna ástina aftur! Vonandi verða myndirnar góðar líka

Blessi ykkur í bili. 

Naglauglýsing

Auglýsingafyrirtæki átti að framleiða sjónvarpsauglýsingu fyrir fyrirtæki sem framleiðir nagla. Auglýsingafyrirtækið fékk frjálsar hendur en áttu að skila tillögum að þrem vikum liðnum.
Svo liðu þrjár vikur og eigendur naglafyrirtækisins mættu á höfuðstöðvar auglýsingafyrirtækisins og sátu í litlum sal með stóru tjaldi. Ljósin voru slökkt og auglýsingin byrjaði:

Súmmað er yfir gamla borg og vélinni beint að hæð eina mikla. Þar á hæðinni eru fullt af  rómverskum hermönnun og öðru fólki. Greinilegt er að þarna er mikið um að vera. Hamarshökk og sársaukakvein. Það fer ekki á milli mála hvað þarna er í gangi! Blóð og ógeð út um allt! Vélinni er súmmað að einum hermanninum, þar sem hann stendur gleiðfættur og hann horfir glottandi í vélina og segir:
Við notum sko nagla frá Nöglum hf!

NEI, NEI!  öskrar einn eigandi naglafyrirtækisins hátt og stekkur upp úr stólnum. – Eruð þið bilaðir, við getum ekki sýnt þetta! Þetta er allt of gróft! Við verðum að sýna tillitsemi og alls ekki svona mikið ofbeldi!
Auglýsingamennirnir náðu að róa forstjóranna aðeins og sögðu að þetta hefði bara verið tillaga og hvort að þeir mættu ekki reyna aftur. Með semingi náðust samningar og nú fékk auglýsingafyrirtækið aðeins eina viku til að koma með gott handrit.
Og vikan leið.
Þá mættu forstjórarnir aftur og sátu nú í myrkruðum salnum eina ferðina enn og ekki laust við smá taugatiring. Ljósin voru slökkt og auglýsingin byrjaði:

Flogið er yfir eyðimörk. Langt í fjarska má sjá sandryk þyrlast upp og byrgja sjóndeildarhringinn. Flogið er nær og sést þá þar hópur af rómverskum hermönnum á harða hlaupum, sem virðist ekki út af neinu sérstöku. Vélinni er súmmað áfram yfir hópinn, sem greinilega eru að elta einhvern. Í ljós kemur að þeir eru á harðahlaupum á eftir manni á lendarskýlunni einni fata. Vélinni er súmmað að fremsta hermanninum í hópnum. Móður og másandi mátti heyra þessi orðaskil:
Þe..þetta (púf) hee..fði sko ekki (púf) skeeeð, ef viiðð hee..fðum fengið að nota nagla frá Nöö..glum hf!

Stjórnmál :)

Nonni litli var aðeins farinn að velta fyrir sér lífinu og tilverunni og einn daginn fór hann til pabba síns og spurði hann: "Hvað eru stjórnmál?" Pabbi hans svaraði: "Jú sjáðu til, það er kannski best að ég útskýri það á þennan hátt: Ég vinn fyrir fjölskyldunni og þess vegna skulum við kalla mig Auðmagnið. Mamma þín stýrir heimilinu og ræður útgjöldunum og þess vegna skulum við kalla hana Stjórnvöld. Við erum til þess að sinna þörfum þínum svo við skulum kalla þig Fólkið. Við getum siðan haldið áfram og kallað barnfóstruna Öreiga. Litla bróður þinn skulum við kalla Framtíðina. Farðu nú og veltu þessu fyrir þér og athugaðu hvort þetta kemur ekki heim og saman. Þannig að Nonni litli fór í háttinn og hugsaði stöðugt um það sem pabbi hans sagði honum. Um nóttina vaknar hann upp við grátinn í bróður sínum. Þegar hann kemur inn í herbergi hans finnur hann fljótt að bleian hans er blaut og mikil fýla af henni. Hann fer inn í svefnherbergi foreldra sinna og finnur mömmu sína sofandi. Þá fer hann að herbergi barnfóstrunnar og finnur að hurðin er læst. Hann kíkir inn um skráargatið og sér föður sinn í rúminu með barnfóstrunni. Að lokum gafst Nonni litli upp og fór aftur í herbergi sitt og sofnaði.

Næsta morgun segir hann við föður sinn. "Pabbi, ég held núna að ég skilji hvað stjórnmál ganga út á." Gott segir faðirinn, segðu okkur frá því.
Þá sagði Nonni litli: " Jú sjáðu til, á meðan Auðmagnið riðlast á Öreigunum eru Stjórnvöld steinsofandi. Fólkið er hundsað og Framtíðin er í djúpum skít...

Smjörklípa?

Ég var að skoða DVD í gærkveldi, þar sem innihaldið var helstu atburðir 20 aldar og var ég á disk 2, en fjallar hann um árin milli 45 - 70. Það má segja að það hefur ekkert breyst í henni veröld, satt að segja. Fyrir utan Fyrra- og Seinna Stríð, þá átti mannkynið í stöðugum erjum sín á milli. SÞ hamaðist við að reyna að bera klæði á vopnin og Rússar og Kanar hömuðust við að sýna vígtennurnar. Merkilegt þótti mér eitt artiði í þættinum, en hann fjallaði um "þýðuna" á milli Rússa og Kana þegar Krúsjeff var aðalritari kommúnista og Eisenháver  að klára sitt í USA. Eins og flestir vita, þá var komið sú stund að þessi tvö stórveldi ætluðu að fara að ræða saman um eldflaugavarnir og menn greinilega tilbúnir í að gera eitthvað í málunum. Krúsi mætti með sitt lið til Bandaríkjana og Háferinn stóð gleiðfættur að taka á móti kallinum í USA. En viti menn, á sama augnabliki er bandarískri flugvél skotin niður í Rússlandi og Krúsi kallin alveg bandbrjálaður, sagði að vísu við Háferinn að hann vissi greinilega ekki af þessu. Þeir voru víst komnir á trúnó þeir tveir. Forseti USA tjáði aðalritara að hann vissi ekki af þessu en afsakaði ekki háttarlag flugmannsins og Krúsi pakkaði saman og fór heim. Hvers vegna er ég að tala um einhvern löngu liðinn atburð? Það nefnilega datt í kollinn á mér þegar ég horfði á þetta atriði, að þetta væri snildar smjörklípa hjá kananum. Hershöfðingjar USA hafa greinilega ekki litist á blikuna er Krúsi ætlaði nú að fara að semja, því þá væri hugsanlega farið að draga úr fjárframlagi til hernaðarmála og vopnaframleiðendur voru farnir að tvístíga og þar af leiðandi hafi farið af stað atburðarrás um að skemma fyrir einhverjum samningaviðræðum (er að skjóta en kæmi mér ekki á óvart) Allavega var tímasetningin óheppileg og öruggt að forseti USA hefði ekki (hugsanlega) sent einhverja njósnavél inní rússnenskt yfirráðasvæði á sama tíma og hann væri að milda Krúsa ef hann væri til í að semja! Ég velti því fyrir mér að þessari atburðarrás hafi verið stjórnað af herforingjum Bandaríkjana til að skemma fyrir. Annað eins hefur nú gerst. Síðast var það nú breskir sjóliðar að væflast inn fyrir landhelgi Írans og voru nappaðir. Hvers vegna í andskotanum voru þeir að þvælast þarna á sama tíma og SÞ voru að reyna að koma einhverju skykki á málin? Er ekki bara gamla smjörklípan endalaust á ferðinni í samskiptum þjóðanna, baktjaldamakk til að búa til atburðarás, til að tryggja ástandið og tryggja að haldið verði áfram að framleiða vopn, svo að vopnaframleiðendur hald nú áfram að græða? Vitið þið, áður en árið er liðið, verður búið að gera loftarás á Íran! Bush er nógu vitlaus til að fara út í þá aðgerð, enda liggur í loftinu að hann ætli að beita neitunarvaldi, til að tryggja að herinn fái áfram fjármagn og til að senda fleiri drengi til Íraks í dauðann!

Nóg í bili - elskið friðinn! 

300

Ég og yngri sonur minn fórum á myndina 300 á laugardagskvöldið var og ég verð að segja að ég gleymdi að éta poppið á meðann henni stóð yfir! Þetta er ein magnaðasta mynd sem ég hef séð, gerða eftir teiknimyndasögu, með allri virðingur fyrir Superman, Batman, Daredevil, X-man, Sin City og fl. Ég las myndasöguna 300 eftir Frank Miller fyrir nokkrum árum, fékk hana á bókasafni Reykjanesbæjar og vissi í reun ekki hvað ég var að fara að lesa, þótti bara kápan flott! Og þegar ég fletti bókinni, hreinlega gleymdi ég að lesa hana fyrst, teikningarnar voru svo frábærar að mar átti ekki t il orð! Hún lá á náttborðinu hjá mér í góðann tíma og alltaf var ég að sjá eitthvað nýtt í hvert skipti, þegar ég opnaði hana (fékk reyndar sekt á hana fyrir að skila of seint). Því var það með hálfum hug að ég færi á bíómyndina, fanst einhvern veginn að ekki væri hægt að toppa myndasöguna með þvíað gera kvikmynd eftir henni. Myndin er eins og bókin, ramma fyrir ramma.

Einhverjir hafa gagnrýnt myndina fyrir að vera sögufölsun. Ok, í gegnum tíðina hafa verið gerðar meiri sögufalsanir en þetta, enda var Frank að skapa þarna sögu úr atburðum sem gerðust 450 árum fyrir Krist, og er sagan hans ekkert rangari en margar sögur sem reynt hefur verið að mynda. Enda átti þessi kvikmynd ekki að vera heimildarmynd. Fyrir mína parta er hún hrein og sönn, fyrir það að fylgja söguþræði Franks Millers í einu og öllu, draga fram hið Epíska andrúmsoft, sem hann skapaði með myndasögu sinni. Ég mæli eindregið með þessari mynd, fyrir þá sem hrífast af epískum sögum, hún slær mörgum þeirra út!